5-sabaq. A’meliy shi’ni’g’i’w

Aldi’ng’i’ sabaqlarda sizler klaviaturani’n’ tiykarg’i’ wazi’ypasi’, fayl ha’m papka tu’sinigi, Windows jag’dayi’nda wolar menen wori’nlaw mu’mkin bolg’an a’meller haqqi’nda tani’si’p aldi’n’i’z. Teoriyali’q bilimlerdi bekkemlew maqsetinde to’mende berilgen shi’ni’g’i’wlardi’ wori’nlap, kompyuterde wolar menen islew ko’nlikpesin payda yetin’.

Fayl payda yetiwdin’ yen’ a’piwayi’ usi’llari’nan biri — «Блокнот»programmasi’nda tekst jarati’w ha’m woni’ kompyuter yadi’nda saqlap qali’w boli’p yesaplanadi’.

1-shi’ni’g’i’w. Windows jumi’s stoli’nda to’mendegi ko’rsetpeler tiykari’nda «Блокнот» programmasi’n iske tu’sirin’ ha’m berilgen tekstti terin’.

Стандартные

Блокнот

  1. «O’zbekistan – g’a’rezsiz watani’m menin’!»
  2. «Ulli’ ha’m muqaddessen’, Watan!»
  3. «Yel-jurtti’n’ sadi’q perzenti bol!»

Terilgen tekst kompyuter yadi’nda saqlani’wi’ ushi’n «Блокнот»programmasi’ni’n’ menyu panelinen «Файл» bo’limi tan’lanadi’ ha’m «Сохранить» (Saqlaw) ko’rsetpesi wori’nlanadi’. Ashi’lgan aynani’n’ «Имя файла» (Fayldi’n’ ati’) qatari’nda «Watan.txt»atamasi’ beriledi ha’m «Ok» basi’ladi’.

2-shi’ni’g’i’w. Jumi’s stoli’nda «JI’L» papkasi’n payda yetin’ ha’m woni’n’ ishinde sxema boyi’nsha papkalar payda yetin’

Fayl ha’m papkag’a qayta atama beriw

3-shi’ni’g’i’w. To’mendegi a’mellerdi ori’nlan’:

  1. «Ji’l» papkasi’na «Pa’nler» papkasi’ dep qayta atama berin’.
  2. Ba’ha’r, Jaz, Gu’z, Qi’s papkalari’na sa’ykes tu’rde I sherek, II sherek, III sherek, IV sherek dep qayta atama berin’.

4-shi’ni’g’i’w. To’mendegi a’meller izbe-izligin wori’nlan’

  1. Jumi’s stoli’nda «Katalog» papkasi’n payda yetin’;
  2. «Katolog» papkasi’nda ja’ne «Hu’jjetler», «Muzi’ka» ha’m «Su’wret» dep atalg’an papka payda yetin’
  3. Payda bolg’an papkalarg’a sa’ykes tu’rde to’mendegishe qayta atama berin’

Papkalarg’a qayta atama beriw si’yaqli’ fayllarg’a da qayta atama beriw mu’mkin

Temag’a tiyisli soraw ha’m tapsi’rmalar

  1. Papka payda yetiw ha’m papkani’ ashi’w a’mellerinin’ parqi’n tu’sindirip berin’
  2. Birdey atamadag’i’ fayl yamasa papkalar jarati’w mu’mkin be?
  3. Jan’a fayllar qalay jarati’ladi’?
  4. Mag’luwmatlardi’ ta’rtiplestiriw degende neni tu’sinesiz?
  5. Kompyuterde jan’a jazi’lg’an mag’luwmatlar avtomatikali’q tu’rde qaysi’ jerde saqlani’p qaladi’?